CLINIQUE`S set of Products

اول تدوينه) مع منتجات ماركة كلينيك الطبية)
Oct 2, 2016
2 min read

السلاعليكم ورحمة الله وبركاته

بسم الله الرحمن الرحيم

حبيت تكون اول تدوينه لي عن المنتجات وراح تكون فقره اسبوعيه ان شاء الله ، وكل يوم احد من كل اسبوع راح اطرح منتج من ماركة معينه

ونتكلم فيه باذن الله ..مرررره متحمسه يلا نبدا

بسم الله

"CLINIQUE'S" من ماركة "travel" هذي مجموعة منتجات

تتميز انه احجامها صغيره تنفع للرحلات القصيرة أو الشناط الصغيرة

تحصلونها باغلب الصيدليات لانها ماركة طبية والمطارات

....خلوني اعرفها لكم

اول منتج هو سبري من كلينك للوجه ، صراحة هذا اكثر منتج حبيته واستخدمته كثير بالفتره اللي طافت .. وهو يعمل كريفرش ويرطب البشره كمان يعني اقرب منتج مشهور اشبه فيه هو فيكس بلس من ماك لكن انا حبيت هذا اكثر من الفكس بلس

ثاني منتج هو عن مزيل ميك اب وحسيت كمان انه ينضف بعمق بدون ميك اب

ويعطي نعومه لانه عباره عن تونر وزيت فالزيت يعطي ترطيب للبشرة

غسول البشره جاي على كريمي وهو مصمم خصيصا للفرش الخاصه لتنضيف البشره مثل كلارسونيك وغيرها

والمنتج الاخير معنا وانا اعتبره بطل بطل بطل وينفع للزنقات وحجمه الصغير يخليه دايما مععاك بالحل والترحال << الحين كل هالمقدمه يامنور عطينا ايش يسوي ههههههه

هذا هو المنقذ وبطل المواقف الصعبه هذا المنتج يعتبر مرطب ويشد بنفس الوقت

..طيب الله يسلمكم لما الوحدة تقوم من النوم وجهها مفقع وعندها دوام او طلعه

طريقه استخدامه كلش سهله قبل الميك اب تاخذين منه نتفه وتحطينه تحت عينك بالمنطقة المنتفخه وراح تحسين بحرقه خفيييييفه وبعدها بعشر دقايق

يروح الانتفاخ وتقدرين تحطين ميك ابك كامل وتقدرين تطلعين من غير ما احد يقولك اول مايشوف وجهك .."توك صاحيه"ههههه

واخيرا رأي الشخصي بالمنتجات

اكثر منتج حبيته هوالسبراي ريفرش: روعه وانا تقريبا استخدمه ثلاث مرات باليوم كذا يعطي شعور بالانتعاش

ويعطي نظارة للبشره وترطيب مرره عجبني خاصة انه حجمه صغير وخفيف فاقدر احطه بالشنطه ومتى ماحسيت انه بشرتي تحتاج للترطيب طلعته ورشيت منه على بشرتي سواء كنت حاطه ميك اب او لا

مزيل الميك اب : حلوو مرره للرحلات القصيره اللي تحتاجين تحطين فيها ميك اب خفيف وتشيلينه

.وبالنسبه لحجمة مره يجنن

الغسول: اول شي لازم تستخدمينه بفرشه ثانيا صدمني ما اتوقعت كذا نتيجته طلع كل بقايا الميك اب .يعني عجبني كثييير

منتج العين :للامانه انا ما استخدمه يوميا يعني بس لما احتاجه وبصراحه نتيجته سريعه وتحسين بالفرق خلال دقايقوكمان يعتبر مرطب لمنطقة تحت

العينين واحسن مميزاته يحفز على افراز الكولاجين في هذي المنطقة لكن للامانه انا مانسبني لان بشرتي حساسه

واخيراً انتهيت من كتابة التدوينه الاولى بجهدي وتجربتي الخاصه والصور من تصويري

.شعوري جمييل انه بديت بحلم وتحقق اتنمى انكم تسعدوني بنشرها

ولكم مني كل التقدير والحب <٣